میراعشق !!!

مٹیالا سا گھُونگھٹ کاڑھے 
ماٹی جیسی نار
مٹی مٹی دل آنگن میں
کھولے اپنے بال
ڈالے خُوب دھمال

الف سے لے کر الف تلک ہی
گھُوم گھُوم کر ناچے 
جب سے تانا بانا اُلجھا
جاگ جاگ کر جاگے
جیون چرخا کات کات کے
کاتے صدیاں سال
ڈالے خُوب دھمال

پیت لڑی کا گہنا پہنے
جب سے لاگے نین
ہجر کی آگ میں جل کر دل کا
گُھنگھرو ڈالے بین
سونے جیسے تن صحرا میں
دھک دھک باجے تال
ڈالے خُوب دھمال

مٹیالا سا گُھونگھٹ کاڑھے
ماٹی جیسی نار
ڈالے خُوب دھمال