میرے محنت کش بچوں کے نام

ببلُو !!!

سو جا میرے ببلُو سو جا
میں تُجھ پہ ۔۔۔۔۔۔۔... قُربان
محنت کی ساری پریوں کو
کرنے دے ۔۔۔۔۔۔۔۔۔۔۔۔۔۔ آرام

صُبح سویرے اُٹھ کے تُو مزدوری کرنے جائے
اپنی باہوں کے بل پہ تُو رزق ـ حلال کمائے
اپنی بُھوک سے پہلے تُو دُوجوں کی بھوک مٹائے
ہمت رکھنا ۔۔۔۔.. تھک نہ جانا ۔۔۔۔... میرے ببلُو جان

سو جا میں قُربان
سو جا میں قُربان

چندا کی روٹی پہ رکھ ۔۔۔ تاروں کی چٹنی کھائے
سر پہ اگ اُگلتی چھتری اُوڑھ کے کام پہ جائے
مٹی کے بستر پہ اینٹ کا تکیہ رکھ سو جائے
تیری ہمت دیکھ کے ببلو ۔۔۔۔۔۔۔۔۔۔ دُنیا ہے حیران

سو جا میں قُربان
سو جا میں قُربان

سو جا میرے ببلُو سو جا
میں تُجھ پہ ۔۔۔۔۔۔۔... قُربان
محنت کی ساری پریوں کو
کرنے دے ۔۔۔۔۔۔۔۔۔۔۔۔۔۔ آرام

ثمینہ تبسم