عقیدت سے
مُحبت سے
بڑی ہی انکساری سے
مُجھے اک کارڈ بھیجا ہے
یہ لکھا ہے
" میری ساری دُعایئں
میری ٹیچر کے لیئے
جس نے مُجھے
اوراق پہ بکھرے ہوئے
حرفوں کو
لکھنا
جوڑنا
پڑھنا سکھایا
یہ سارے حرف ملکر
مُجھ سے خُود میری کہانی سُن رہے ہیں
کہانی
جو جہالت کے اندھیروں پہ
خُود اپنا سر پٹکتی ہے
کہانی
جو میری غُربت پہ روتی ہے
کہانی
جو میری محنت پہ شانے تھپتھپاتی ہے
کہانی
جو میرے اچھے دنوں میں ایک بے فکری کا نغمہ گُنگُناتی ہے
کہانی
جو میری ناکامیابی سُن کے آنسُو بن کے بہتی ہے
کہانی
جو میری اُمید بن کے آس کی دہلیز پہ اک بُت کی صُورت بہٹھ جاتی ہے
کہانی
جو میرے کل کو کئی خُوش رنگ لفثوں سے سجاتی ہے
یہ اک ایسی کہانی ہے
جو میں نے جابجا بکھرے ہوئے
حرفوں کو چُن کے خُود بُنی ہے
تو میری سب دُعایئں
میری ٹیچر کے لیئے
جس نے مُجھے
اوراق پہ بکھرے ہوئے
حرفوں کو
لکھنا
جوڑنا
پڑھنا سکھایا ’’
ثمینہ تبسم۔
No comments:
Post a Comment