آئی لو یُو ٹُو !!!

اوووووووہ۔۔۔۔۔۔۔۔
تھینک یُو میرےسوہنے مٹھُو
کتنی پیاری خُشبُو ہے
دل میں اک مستی سی اس نے بھر دی ہے
جب بھی اس کو نئے سُوٹ پہ۔۔۔۔۔۔۔۔۔۔
اووووووووں۔۔۔۔۔۔۔
دیکھو ناں
میری الماری میں لٹکا کوئی ایک بھی سُوٹ
اتنی اچھی خُوشبُو کے قابل ہی نہیں
تُم بھی ناں۔۔۔۔۔۔۔۔
جب اتنے پیسے خرج کئے اس بوتل پہ
اک اچھا سا سُوٹ بھی لیے کر آ جاتے
میں تو اک سیدھی سادی سی عورت ہوں
مُجھ کو ان ساری باتوں کی خبر کہاں
پر۔۔۔ تُم ہی تو کہتے ہو
میچنگ بُندے جب کانوں کو چُومتے ہیں
تُم کو اچھا لگتا ہے
چھن چھن کرتی چُوڑیاں تُم کو بھاتی ہیں
اور یاد ہے؟
بلکُل اس رنگ کی اک سینڈل تھی
وہاں جہاں سے پرسُوں جُوتے خریدے تھے
تُم بھی ناں۔۔۔۔۔۔
بس اپنی مرضی کرتے ہو
کیا ہے جو اس جیسا پرس دلا دیتے؟

اب دیکھو ناں
میں کب فرمائیشیں کرتی ہوں
یہ سب تو تُمہاری خاطر ہے
تُم ہی کو اچھا لگتاہے
جب سج بن کے
ہم شام کو کھانا کھانے باہر جاتے ہیں !!!

ثمینہ تبسم